Хууль сахиулахын их сургуулийн 2013-2014 оны хичээлийн жилийн үйл ажиллагааны төлөвлөгөөнд тусгагдсан Шилдэг уран илтгэгч шалгаруулах анхдугаар тэмцээнийг 2014.04.01-ний өдөр Захиргааны байрны 5 давхарт байрлах хурлын танхимд зохион байгуулагдлаа.

 

Тус тэмцээний удирдамжийг 2014.03.17-ны өдөр боловсруулан Цагдаагийн сургуулийн захиралаар батлуулж, бүрэлдэхүүн сургуулиудад хүргүүлсэн.

 

Тэмцээний 1-р үе шатыг бүрэлдэхүүн сургуулиуд дотооддоо 2014.03.24-2014.03.27-ны өдрийн хооронд зохион байгуулж, 1-3-р байрт шалгарсан 3 суралцагчийг 2-р шатанд оролцуулахаар нэрсийг ирүүлсэн. Тэмцээний 2-р үе шатанд Цагдаа, Хил, ШШГ, Онцгой байдал, Ахлагчийн сургуулийн нийт 15 суралцагч илтгэх ур чадвараараа өрсөлдөж:

1-р байр: ШШГС-ийн 531-р дамжааны сонсогч, түрүүч Б.Нямтулга

2-р байр: Цагдаагийн сургуулийн 331-р дамжааны сонсогч Б.Бэлгүтэй

3-р байр: ХС-ийн сонсогч Э.Цэнд-Аюуш нар шалгарсан.

 

Тус тэмцээний шагналт байрт шалгарсан дээрх 3 суралцагчид их сургуулийн багш нарын бүтээлийн дээжээс бэлэглэж, тэмцээнд оролцсон бусад суралцагчдад талархал хадгалуулав.

 

Тэмцээний шүүгчээр Монгол улсын Үндэсний шилдэг илтгэгч Б.Пүрэвсүрэн, Цагдаагийн сургуулийн КТТ-ийн ахлах багш, цагдаагийн ахмад Н.Манлайбаатар, ЭБШ эрх зүйн тэнхимийн ахлах багш, цагдаагийн ахлах дэслэгч Г.Амаржаргал нар ажилласан.